આચાર્ય જયેશભાઈ મહેતા પરિચય

સોલા ભાગવત વિદ્યાપીઠની સમૃદ્ધ ગુરુકુળ પરંપરાથી પોષિત જીવન

સનાતન ધર્મની પવિત્ર વેદોક્ત પરંપરાને જન-જન સુધી પહોંચાડવાના સંકલ્પ સાથે આચાર્ય જયેશભાઈ મહેતાએ ગુજરાતના પ્રતિષ્ઠિત સોલા ભાગવત વિદ્યાપીઠ (અમદાવાદ) માં ગહન શાસ્ત્રીય અધ્યયન, વ્યાકરણ, કર્મકાંડ, વેદ મંત્રોચ્ચાર અને જ્યોતિષ વિજ્ઞાનનું શિક્ષણ પ્રાપ્ત કર્યું છે.

વિદ્યાપીઠના પરમ પૂજ્ય ગુરુજનોના પાવન સાનિધ્યમાં તેમણે શ્રીમદ્ ભાગવત મહાપુરાણ, શ્રી રામચરિતમાનસ, શિવ મહાપુરાણ તથા સમસ્ત વેદોક્ત યજ્ઞ-વિધાનોનું પ્રમાણિક જ્ઞાન અર્જિત કર્યું છે. આપશ્રીની ઓજસ્વી વાણી, શુદ્ધ સંસ્કૃત ઉચ્ચારણ અને સરળ-સહજ વ્યાખ્યા શ્રોતાઓના હૃદયમાં અમીટ ભક્તિરસનો સંચાર કરે છે.

🌿 ગૌમાતા સેવાનો પાવન સંકલ્પ: શ્રી શ્યામ ગૌશાળા

આચાર્ય જીનું દ્રઢ માનવું છે કે ગૌસેવા વિના કોઈપણ યજ્ઞ કે અનુષ્ઠાન પૂર્ણ થઈ શકતું નથી. આ જ પાવન ઉદ્દેશ્યથી તેઓ પરસા (ગોજરીયા પાસે, જિ. મહેસાણા) માં શ્રી શ્યામ ગૌશાળા નું સંચાલન અને સંરક્ષણ કરે છે, જ્યાં ૨૮૦+ થી વધુ નિરાશ્રિત, વૃદ્ધ અને અસહાય ગૌવંશની પ્રતિદિન વૈદિક સેવા, લીલું ઘાસ અને ચિકિત્સા કરવામાં આવે છે.